“Ўзгидромет” томонидан 6 май кунига мўлжалланган об-ҳаво маълумоти эълон қилинди. Унга кўра, мамлакат бўйлаб ҳаво ҳарорати аста-секин кўтарилиб, айрим ҳудудларда 38 даражагача исиши кутилмоқда.
Жумладан, Тошкент шаҳрида ҳаво кам булутли бўлиб, ёғингарчилик кузатилмайди. Шамол шарқ томондан 3–8 метр/секунд тезликда эсади. Кечаси 16–18 даража, кундузи эса 30–32 даража атрофида бўлади.
Қорақалпоғистон Республикаси ва Хоразм вилоятида ҳаво ўзгарувчан бўлиб, айрим ҳудудларда қисқа муддатли ёмғир ва момақалдироқ эҳтимоли бор. Шамол тезлиги 7–12 метр/секундга етиб, баъзи жойларда 18 метр/секундгача кучайиши, ҳатто чанг-тўзонлар кузатилиши мумкин. Ҳарорат кечаси 17–22, кундузи 30–35 даража бўлади.
Бухоро ва Навоий вилоятларида асосан ёғингарчилик кутилмайди, бироқ шамол баъзан кучайиши мумкин. Ҳарорат кечаси 15–20 даража, кундузи 30–35 даража атрофида сақланади.
Тошкент, Сирдарё, Жиззах ва Самарқанд вилоятларида ҳам ҳаво қуриқ ва бироз булутли бўлиб, кундузги ҳарорат 30–35 даражагача кўтарилади.
Қашқадарё ва Сурхондарёда эса энг юқори кўрсаткичлар кузатилиб, ҳаво 33–38 даражагача исиши кутилмоқда.
Фарғона водийси ҳудудларида (Андижон, Наманган, Фарғона) ҳаво нисбатан юмшоқ бўлиб, кундузи 28–33 даража атрофида бўлади.
Тоғолди ва тоғли ҳудудларда эса ҳаво салқинроқ — кечаси 10–15, кундузи 17–22 даража бўлиши кутилмоқда.
Синоптиклар таъкидлашича, 5–8 май кунлари давомида республика бўйлаб ҳарорат босқичма-босқич ошиб боради.
