22:53 / 16.02.2018
5 194

Канализация қудуғига йиқилган эркак 3 кун ер тагида қолиб кетди

Канализация қудуғига йиқилган эркак 3 кун ер тагида қолиб кетди
Буюк Британиянинг Лондон шаҳри чеккасида канализация қудуғига тушиб кетиб, уч кун юқорига чиқа олмаган одам қутқарилди, деб хабар берди Даракчи нашри.

Ер тагидан бақираётган одам овозини эшитган маҳаллий аҳоли зудлик билан шошилинч хизматга қўнғироқ қилишди. Полициячилар канализация люкини очиб, жабрланган эркакни юқорига чиқаришди.

“Эркак лойга ботган, ҳатто оёғида пойабзали ҳам йўқ эди”, деди воқеага гувоҳ бўлган аёллардан бири. 48 ёшли эркакнинг айтишича, у очиқ турган люкка тушиб кетган. Юқорига кўтарилишнинг иложини тополмагач, бошқа чиқиш эшигини қидирган. У уч кун мобайнида ер тагида ўн километр йўл босган.

Лондон шаҳар канализациясига жавобгар бўлган Thames Water компанияси вакиллари эркакнинг сўзларига шубҳа қилмоқда. Уларнинг фикрича, эркак қутқарилган жойидан бир ярим километр узоқликда бўлган оқава сув қувури орқали канализацияга тушган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Канализация қудуғига йиқилган эркак 3 кун ер тагида қолиб кетди