Toyota янги сирли пикапини намойиш этди

Toyota Бельгияда ўтказилган тадбирда янги юк машинаси силуэтини акс эттирган тизерни намойиш этди. Тадбирда bZ4X, C-HR+ ва Lexus RZ моделларининг премьераси бўлиб ўтди. Тизерда кўрсатилган пикап келажакдаги электр Hilux билан боғлиқ эмаслиги тахмин қилинмоқда.

Toyota 2026-йилгача Европада олти та янги электр автомобилни тақдим этишни режалаштирмоқда.

Тизердаги пикап икки қаторли кабинага эга бўлиб, бу уни 2023-йилда намойиш қилинган электр Hilux прототипидан фарқлайди. Бундай Hilux модели Тайландда ишлаб чиқарилади, чунки у ерда ёнилғи билан ишловчи пикаплар Toyota савдоларининг ярмидан кўпини ташкил қилади. Бундан ташқари, тизердаги силуэт Австралияда синовдан ўтказилаётган электр Hilux билан ҳам ўхшаш эмас.

Шу билан бирга, пикап силуэти Toyota EPU Concept 2023 дизайнига жуда ўхшаш. У ўз ўлчамлари билан Ford Maverick’га яқин бўлган ўрта ўлчамли электр пикапни намоён этади. Ушбу концепт автомобиль юк бўлимининг узунлигини ошириш имконини берувчи ўзгартириладиган орқа борт ҳамда чуқур жойлаштирилган асбоблар панели билан ажралиб туради.

Toyota ушбу моделни 2027-йилда бозорга чиқариши кутилмоқда. Шу йилнинг ўзида, компаниянинг Corolla моделини ҳам пикапга айлантириш режаси борлиги ҳақида миш-мишлар тарқалган эди. У Hilux’дан бир поғона паст турадиган ва Ford Maverick ҳамда Hyundai Santa Cruz’га рақобатчи бўладиган модел сифатида тилга олинган. «Замин»ни Telegram’да ўқинг!