Москвада иккинчи авлод Changan Уни-В лифтбекининг янгиланган талқини расман намойиш этилди. 2,0 литрли турбомотор билан жиҳозланган ушбу автомобил ўзининг ўлчамлари (узунлиги 4740 мм, ғилдирак базаси 2750 мм) билан Skoda Октавиа моделининг асосий рақобатчиси ҳисобланади. Бу ҳақда Ixbt.com хабар беради.
Янги модел динамика борасида сезиларли ўсишга эришган: двигател қуввати 235 от кучига, айлантирувчи момент эса 390 Н·м га етказилди. Натижада автомобил 100 км/соат тезликка бор-йўги 6,3 сонияда эришади. Капот остида чўян блокли Блуе Коре двигатели ва 8 поғонали классик Аисин гидромеханик автомат узатмалар қутиси ўрнатилган.
Ишлаб чиқарувчи кузов мустаҳкамлиги, тортишни бошқариш тизими ва юқори тезликдаги барқарорликка алоҳида эътибор қаратган. Тақдимот давомида автомобилнинг шасси созламалари спортча характерга эга эканлигини исботловчи “лос тести” натижалари (78 км/соат) эълон қилинди.
Changan Уни-В ўзининг динамик имкониятлари бўйича ҳатто BMW M4 Г82 ва Porsche Taycan Турбо С каби қимматбаҳо спорткарлар билан қиёсланмоқда. Янги Уни-В 2.0T моделининг нархи Россия бозорида кредит дастурлари билан ҳисоблаганда тахминан 3,2 миллион рублдан бошланиши маълум қилинди.
“Zamin”ни Telegram'да ўқинг!
