"Бу ҳар доим шунчаки севимли машғулот бўлиши керак эди. Мен асосан автомобилни бошқаришни ўрганиш учун бир нечта мусобақаларда қатнаша бошлаганман". Британиялик 23 ёшли Иоан Ллойд ўзининг ралли оламидаги илк қадамларини ана шундай камтарлик билан хотирлайди. Бу ҳақда Autocar.co.uk хабар беради.
Ғарбий Уелснинг Лландисул шаҳрида вояга етган ёш пойгачи учун ралли спорти қон-қонига сингиб кетган. Бироқ, бошида бу шунчаки қизиқиш ва эҳтиросдан бошқа нарса эмас эди. Бугун эса у жаҳон ралли чемпионати (ВРК) доирасида катта умидлар уйғотаётган иқтидорлардан бири ҳисобланади.
Иоан Ллойд ўзининг маҳорати ва автомобилни бошқаришдаги ўзига хос услуби билан мутахассислар эътиборини тортган. Унинг пойга йўлакларидаги тезланиши ва мураккаб бурилишлардаги аниқ ҳаракатлари уни Британиянинг навбатдаги ралли юлдузига айлантириши кутилмоқда.
Ҳозирда ёш пойгачи профессионал жамоалар билан ҳамкорликда ўзининг техник билимларини оширишда давом этмоқда. Унинг мақсади — нафақат иштирок этиш, балки энг юқори даражадаги чемпионлик унвонлари учун курашишдир.
“Zamin”ни Telegram'да ўқинг!
