Stellantis концерни нархи 15 000 фунт стерлингдан (тахминан 19 000 доллар) паст бўлган ҳамёнбоп шаҳар электромобиллари қаторини кенгайтиришни режалаштирмоқда. Компаниянинг Европа бўлими раҳбари Эмануеле Каппеллано янги авлод Fiat Панда ва Цитроэн 2КВ моделларининг ўнг рулли версиялари ишлаб чиқарилишига 95 фоиз ишонч билдирди. Бу ҳақда Autocar.co.uk хабар беради.
Саноат гиганти узунлиги 4,2 метрдан ошмайдиган ва Европа Иттифоқининг янги М1E классига мос келадиган электромобиллар учун махсус “Э-кар” платформасини ишлаб чиқмоқда. Дастлабки икки модел — Цитроэн 2КВ ва Fiat Панда 2028-йилдан бошлаб Италиядаги Помиглиано заводида конвеерга чиқиши тасдиқланган.
Каппеллано 15 000 евролик мақсадли нархга эришиш учун платформа бошиданоқ фақат БEВ (аккумуляторли электромобил) сифатида лойиҳалаштирилиши кераклигини таъкидлади. Шунингдек, у ушбу лойиҳага Peugeot ва Ваухҳалл каби бошқа брендлар ҳам қўшилиши мумкинлигини инкор этмади. Ҳозирда Stellantis платформани такомиллаштириш учун Хитойнинг ОEМ ишлаб чиқарувчилари билан ҳамкорлик қилиш имкониятларини ҳам кўриб чиқмоқда.
Янги М1E қоидалари Европада ишлаб чиқарилган кичик электромобиллар учун ишлаб чиқарувчиларга “супер-кредитлар” беришни кўзда тутади. Бу эса компанияларга умумий эмиссия кўрсаткичларини пасайтиришга ёрдам беради. Гарчи ўнг рулли автомобиллар учун қўшимча инвестиция талаб этилса-да, Stellantis Британия бозорида ҳам ушбу арзон моделларни сотишни мақсад қилган.
Мазкур сегментда рақобат кучайиб бормоқда. Масалан, янги Renault Твинго ҳам ўнг рулли версияда бироз кечикиш билан бозорга чиқиши кутилмоқда. Stellantis эса ўзининг янги платформаси орқали батарея ва электр двигател технологияларида самарадорликни ошириб, арзон электромобиллар бозорида етакчиликни қўлга киритмоқчи.
“Zamin”ни Telegram'да ўқинг!
