Калугадаги “АГР” холдинги заводида Дефетоо компанияси билан ҳамкорликда ташкил этилган Тенет брендининг 100 мингинчи автомобили конвеердан чиқди. Юбилей модели интеллектуал и-4WD тўлиқ узатмали тизимига эга бўлган етти ўринли Тенет Т8 Ultra кроссовери бўлди. Ушбу натижага ишлаб чиқариш бошланганидан буён атиги ўн ой ичида эришилди. Бу ҳақда Ixbt.com хабар беради.
Тенет Т8 модели 197 от кучига эга 2,0 литрли турбомотор ва 7 поғонали роботлаштирилган узатмалар қутиси билан жиҳозланган. Олтита ҳаракатланиш режимига эга и-4WD тизими ҳар қандай йўлда автомобилнинг ишончли ҳаракатланишини таъминлайди. Ultra комплектацияси проэксион дисплей, ADAС интеллектуал ҳайдовчи ёрдамчилари пакети, тўққизта хавфсизлик ёстиғичи, 15,6 дюймли мультимедиа экрани ва панорамали том билан таъминланган.
Тенет автомобилларини ишлаб чиқариш тўлиқ сикл технологияси бўйича ташкил этилган бўлиб, у кузовларни пайвандлаш, бўяш ва йиғиш жараёнларини ўз ичига олади. Заводда замонавий технологик ечимлар жорий этилган, пайвандлаш операцияларининг автоматлаштириш даражаси эса 90 фоизга етади. Таъкидлаш жоизки, Тенет автомобиллари маҳаллий иқлим ва фойдаланиш шароитларини ҳисобга олган ҳолда ишлаб чиқарилмоқда.
“Zamin”ни Telegram'да ўқинг!
