"Ақлдан озган Макс" услубидаги шафқатсиз йўлтанламаслари билан танилган Резвани компанияси ўзининг янги маҳсулоти — Резвани Фортресс деб номланган ғилдиракли қалъасини намойиш этди. Янгилик кучли Ford Ф-150 Raptor базасида қурилган бўлса-да, ташқи кўринишидан буни мутлақо сезиб бўлмайди. Автомобил экстерерида завод моделидан бирорта ҳам оригинал детал қолмаган, унинг ўрнини қиррали ва футуристик дизайн эгаллаган. Бу ҳақда Ixbt.com хабар беради.
Автомобил учун деярли ҳар қандай йўлсизликни енгиб ўтишга имкон берувчи улкан 40 дюймли шиналар мавжуд. Кучайтирилган Фох осмаси ва тўлиқ узатмали тизим базавий комплектацияга киритилган. Бироқ Резвани Фортресс моделининг асосий устунлиги унинг ҳимоя функцияларидадир. Машина ҳарбий зирҳли панеллар, ўқ ўтмайдиган ойналар, тутун пардаси ҳосил қилиш тизими ва барча электроникани ишдан чиқариши мумкин бўлган электромагнит импульсидан (ЭМИ) ҳимоя билан жиҳозланган.
Piкапнинг базавий талқинида Ford Ф-150 Raptor моделидан олинган стандарт В6 қўш турбо двигатели ўрнатилган. Кўпроқ қувватни хоҳловчилар учун Резвани 850 от кучига эга бўлган 5,2 литрли В8 двигателини таклиф этмоқда. Шунингдек, хавфсизлик пакетига қалампир гази пуркагичи, электрлаштирилган эшик тутқичлари ва тунги кўриш тизими каби экстремал опсиялар ҳам киритилган.
Қаттиққўл ташқи кўринишига қарамай, Фортресс ички қисми спартанча бункерга ўхшамайди. Резвани муҳандислари оригинал Raptor қулайлигини, жумладан, олд панел архитектураси ва мультимедиа экранларини сақлаб қолган ҳолда, унга премиум даражадаги ўзгаришларни қўшишган. Мижозларга ўриндиқларни безаш учун 10 хил услуб ва ранг танлови тақдим этилади. Резвани Фортресс моделининг бошланғич нархи 285 000 долларни ташкил этади.
“Zamin”ни Telegram'да ўқинг!
