Unimog вездеходи автомобиллар учун баландликка кўтарилиш бўйича дунё рекордини ўрнатди

^{Фото: Motor}
Unimog U 5023 вездеходи сайёрадаги ҳаракатдаги энг баланд вулқон чўққисига чиқиб, автомобиллар учун баландликка кўтарилиш бўйича рекорд ўрнатди. Бу ҳақда Дарё хабар бермоқда.

Вулқон Охос-дель-Саладо деб номланади ва Аргентина ҳамда Чили чегарасида жойлашган. Унинг қиялигида алпинистлар ва олимларнинг бир неча лагерлари ташкил этилган. Бу ерга икки Unimog U 5023 вездеходида автомобиль алпинисти Матиас Йешке экспедицияси давомида чиқиб келди.

Машиналардан жиҳоз ва анжомлар, шунингдек, экспедиция аъзолари турли баландликда ўрнатган 4 та радиостанцияни ташиш учун фойдаланилди.

^{Фото: Motor}
Охирги, тўртинчи радиостанцияни 6100 метр баландликка ўрнатгандан сўнг вездеходлардан бири янада юқорига — 6694 метрга кўтарилди ва автомобиллар учун баландликка кўтарилиш бўйича янги дунё рекорди ўрнатди. “Замин” янгиликларини “Одноклассники”да кузатиб боринг