Фото: Bugatti
Bugatti компанияси Bolide номли гиперкарини намойиш қилди. Гиперкарнинг максимал тезлиги соатига 500 кмдан кўпроқни ташкил қилади.
Автомобиль 8 литрли, 16 цилиндрли бензин двигатель билан жиҳозланган. Двигателнинг қуввати 1850 от кучини ташкил қилади. Худди шундай мотор компаниянинг Chiron Super Sport 300+ моделига ўрнатилади. Двигатель 7 поғонали узатмалар қутиси ва тўлиқ приводли тизим билан биргаликда ишлайди.
Гиперкар ягона нусхада яратилган ва келгусида унинг серияли ишлаб чиқарилиши ҳозирча номаълум.
Bolide’нинг максимал тезлиги 500 км/соатдан кўпроқни ташкил қилади. У турган жойидан 100 км/соат тезликкача 2,17 сонияда, 200 км/соат тезликкача 4,36 сонияда ва 500 км/соат тезликкача 20,16 сонияда эриша олади.
Компанияда таъкидланишича, гиперкар “Ле-Ман 24 соат” пойгалари ўтувчи ва узунлиги 13,6 кмни ташкил қилувчи “Сарта” трассасини 3 дақиқа 7 сонияда, Нюрбургринг трассасининг узунлиги 22,8 кмни ташкил қилувчи шимолий қисми – “Нордшляйфе”ни 5 дақиқа 23 сонияда ўта олади.
Машина карбон монококк негизида қурилган. Унинг баъзи деталлари аэрокоинот соҳасида қўлланувчи титан қотишмадан ишланган.
“Bugatti’даги 16 йиллик фаолиятим давомида бундан экстремалроқ концепт устида ишламагандим”, деб тан олган компаниянинг дизайн бўлими раҳбари Ахим Аншайдт.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Лукашенко Ғарбга таҳдид билан чиқди
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Германияда ишлаш истагида бўлган ўзбекистонлик мутахассислар учун немис тили ўргатилади
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради