Автомобилларнинг ташқи кўринишига ўзгартириш киритиш мумкин эмаслигини яхши биламиз. Ойналарга деймизми, фараларгами ва ё кузовга – тегишли рухсат билан амалга ошириладиган, айримларига умуман рухсат берилмайдиган иш бу.
Сўнгги пайтларда ёритувчи чироқларни ксенон чироқларга – қарама-қарши йўналишда келаётган йўл ҳаракати иштирокчиларига ноқулайлик туғдирадиган ўта ёруғ чироқларга алмаштириб олаётганлар кўпайяпти. Бу ҳаракатнинг бошқа иштирокчиларига ноқулайлик туғдириши баробарида, йўл-транспорт ҳодисаларини ҳам келтириб чиқаради.
Инспекторлар томонидан негадир айнан шу қоидабузарликка эътибор камдек туюлади. Бу қоидабузарликни аниқлаш ҳам осон эмас: куннинг фақат қоронғу қисмида аниқлаш мумкин, ҳаракатдаги автомобилнинг ортидан қувиш керак бўлади, ақалли унинг рақамини ёзиб олиш лозим ва умуман, бир қатор ноқулайлиги бор жараён. Бу ҳақдаги саволга ИИВ ЙҲХББ бошлиғининг ўринбосари, полковник Эрали Бозоров Kun.uz билан суҳбатда жавоб берди.
«Бу қоидабузарликка маъмурий жавобгарлик бор. Транспорт воситаларига бошқа ёритиш мосламалари ўрнатиш мумкин эмас. Ҳа, техник кўрикдан ўтгач, ёритиш мосламаларини ксенон ва ёки бошқа кучли ёритгичларга алмаштириб олаётганлар бор. Бундай қоидабузарликлар тун пайтида содир этилади. Тунги нарядларимиз бу ҳолатларга чек қўйишади. Статистикага эътибор берсак, йил бошидан бери шу кунга қадар 11 мингдан ортиқ транспорт воситалари эгаларига нисбатан чоралар кўрилганини айтиш лозим. Қийин жиҳати буни фақат тундагина аниқлаш мумкин», деди Эрали Бозоров.
Бобур Акмалов
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди