16:28 / 03.12.2020
3 509

Япония бензинда юрадиган автомобиллар сотувини тўхтатмоқчи

Япония бензинда юрадиган автомобиллар сотувини тўхтатмоқчи
Фото: «Tvoe-avto.com»
2030 йилларнинг ўрталарига келиб Япония бензинли двигателли янги автомобилларни сотувдан чиқариб ташлайди. Ҳозир ушбу масала билан мамлакат иқтисодиёт, савдо-саноат вазирлиги шуғулланмоқда.

«Киодо» агентлигининг хабарига кўра, 2030 йилларнинг ўрталарига қадар сотувга қўйилган барча янги автомобилларга гибрид, электр ёки водородли двигателлар ўрнатилиши зарур.

Бунга Япония бош вазири Ёсихидэ Сугининг 2050 йилгача Японияни иссиқхона газларидан холи давлатга айлантириш ҳақидаги нияти туртки берди. Агар иқтисодиёт, савдо-саноат вазирлиги бензинли двигателлардан бош тортишни мақсад қилса, бу ишлаб чиқарувчиларни электр двигателлар соҳасидаги ишларини янада жадаллаштиришига ундайди.

Ушбу мақсадда аниқ йўналишлар йил охиригача шакллантирилиши кутилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Япония бензинда юрадиган автомобиллар сотувини тўхтатмоқчи