18:10 / 11.07.2022

Украинада урушнинг 137-куни: Часив Ярга қилинган ҳужум оқибатлари, қурбонлик келтирган украин аскарлари (фото)

Украинада урушнинг 137-куни ўтди. 10 июл куни Донецк областидаги Часив Яр шаҳридаги беш қаватли уйга россияликларнинг ракета зарбалари келиб тушиши оқибатида 19 киши ҳалок бўлган, ўнлаб кишилар харобалар остида қолган бўлиши мумкин, саккиз киши қутқариб олинган. Қрим раҳбари Сергей Аксенов яриморол шимолида террорчилик хавфининг юқори даражаси режимини узайтирди.

Украина россияликларнинг Херсондаги базасига зарба берди: россияликлар томонидан тайинланган област ИИВ раҳбариятига кўра, ҳужум натижасида шаҳар шифохонаси шикастланган. Ўтган ҳафтадан таътилга чиққан Россия Давлат думаси 15 июл куни айрим «ҳукумат ташаббуслари» муҳокамаси учун навбатдан ташқари йиғилиши мумкин.

Қуйида сўнгги кунларда Украинанинг турли ҳудудларида олинган суратлар.

Херсон

^{Россиялик ҳарбий ва маҳаллий аҳоли вакиллари «Херсон қалъаси» олдида. 10 июл куни Украина шаҳардаги россияликлар ҳарбий базасига зарба берди.
Сергей Бобилев / ТАСС}
Донбасс шимоли

^{Miguel Medina / AFP / Scanpix / LETA}
Украиналик ҳарбий хизматчи Украина шарқидаги фронт чизиғида маскировка қилинган танк олдида. Америкадаги Урушларни тадқиқ қилиш институти (ISW) ҳафта охирида Россия ҳарбийлари Луҳанск областидаги Лисичанск шаҳрини эгаллагач, урушда «оператив танаффус» бошлангани ҳақида айтишмоқда. Област раҳбари Сергей Гайдайнинг сўзларига кўра, россияликлар ҳужум амалиётини давом эттирмоқда, украин кучлари «бутун фронт чизиғи бўйлаб рус қуролл тузилмалари ҳаракатини тўхтатишга уринмоқда».

^{Miguel Medina / AFP / Scanpix / LETA}
Ўт ўчирувчилар ва қутқарувчилар Донецк областидаги Часив Яр шаҳрида 9 июл куни россияликлар ракета ҳужумига учраган беш қаватли уй вайроналарида ишламоқда. Кейинги куни расмийлар ушбу ҳужум оқибатида 15 киши ҳалок бўлиб, олти киши яраланганини маълум қилди. 11 июл куни шаҳар ҳукумати яна тўрт кишининг жасади харобалар остидан олиб чиқилганини маълум қилди. Донецк области ҳарбий маъмурияти раҳбари Павел Кириленко харобалар остида яна 24 киши қолаётган бўлиши мумкинлигини айтган.

^{Часив Ярдаги вайрон бўлган уйда яшовчи аёл.
Miguel Medina / AFP / Scanpix / LETA}

^{Қутқарувчилар вайрон бўлган уй харобалари остидан одамларни чиқариб олмоқда
Gleb Garanich / Reuters / Scanpix / LETA}

^{AP Photo/Nariman El-Mofty}

^{Часив Яр аҳолиси вакиллари вайрон бўлган уй яқинида.
Miguel Medina / AFP / Scanpix / LETA}

^{Донецк областидаги Ступочки шаҳридаги йўлдан танкда ўтаётган украин аскарлари
AP Photo/Nariman El-Mofty}

^{Жангчига айланган собиқ муфтий Шайх Саид Исмоилов Костянтинивкадаги Мадина масжидида Қурбон ҳайити намозида имомлик қилиш учун келмоқда. Фото: AP Photo/Nariman El-Mofty}

^{Украина шарқидаги Костянтинивка шаҳридаги Мадина масжиди яқинида ракеталардан қолган изларнинг кўриниши
AP Photo/Nariman El-Mofty}

^{Шайх Саид Исмоилов Қурбон ҳайити байрами куни жамоатга имомлик қилмоқда
AP Photo/Nariman El-Mofty}

^{Украин ҳарбийлари Қурбон ҳайити куни масжид ҳовлисида қўй қурбонлик қилишди
AP Photo/Nariman El-Mofty}

^{Лисичанскдаги ёниб кетган Авлиё Митрофановский ибодатхонаси рўпарасидаги универмаг ертўласида ибодат қилаётган аёл.
Станислав Красильников / ТАСС}
Одесса

^{EPA / Scanpix / LETA}
Православ роҳиблари ва Одессадаги диндорлар 25 метр чуқурликда жойлашган ер ости ибодатхонасида яқинлари соғлиги ва Украина ғалабаси учун дуо қилишмоқда. Одессадаги катакомбалар — туннеллар лабиринти ва шаҳар ости ва унинг атрофидаги ҳудуд остидаги табиий ғорлардир. Иккинчи жаҳон уруши даврида улардан бомбапанагоҳлар ва партизанлар учун дислокация мақсадида фойдаланилган. Лвив мэри Андрей Садовой 10 июл куни ЮНЕСКОни архитектура ёдгорликларини сақлаб қолиш учун Харкив ва Одессага Умумжаҳон мероси шаҳарлари мақомини беришни сўради. Россия қўшини Одесса областида жойлашган объектларга ҳужумларни давом эттирмоқда.