Саудия Арабистони Ҳаж ва Умра вазирлиги энди подшоҳлик туристик визага эга бўлган зиёратчиларга умра зиёратига боришга рухсат беришини маълум қилди.
49 давлат фуқаролари буни Visit Saudi Arabia веб-сайти орқали онлайн тарзда ёки аэропортга келганларида виза олиш учун ариза топширишлари мумкин.
Умра ибодатини иложи борича кўпроқ одамлар адо этишига рухсат беришга қарор қилинди.
Сайёҳлик визаси билан умрага бориш ҳуқуқини АҚШ ва Буюк Британия визаси эгалари, шунингдек, Шенген визасига эга бўлганлар қўлга киритган.
Қоидалар ташриф буюрувчиларга подшоҳликнинг бошқа шаҳарларига ташриф буюриш учун 12 ой муддатга амал қиладиган туристик виза олиш имконини беради.
Оиласини зиёрат қилиш учун визага эга бўлганлар Eatmarna иловаси орқали Умра зиёратига боришлари мумкин.
Умра учун зиёратчилар кенг қамровли тиббий суғурта олишлари керак, бу суғурта COVID-19 даволаш, ўлим ёки ногиронликка олиб келадиган бахтсиз ҳодисалар ҳамда парвозни кечиктириш ёки бекор қилиш билан боғлиқ харажатларни ўз ичига олади.
Умра зиёратини ҳозирда рухсат этилган давлатлардан ташқари бошқа давлатлар фуқаролари Саудия Арабистонининг ўз мамлакатларидаги элчихоналарига виза олиш учун мурожаат қилишлари керак.
Керакли ҳужжатларга яшаш ва иш жойини тасдиқловчи ҳужжат, қайтиш чиптаси, молиявий барқарорликни тасдиқловчи банк баёноти, маршрут ва тўлиқ шахсий маълумотлар киради.
Афсуски, сайёҳлик визаси билан умра қилиш рухсат этилган давлатлар рўйхатида Ўзбекистон йўқ. Қўшни давлатлардан Россия, Украина ва Қозоғистонга бу ҳуқуқ берилган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
