CNN: Россия Запорожье яқинида кўп сонли аскар йиғмоқда

^{Фото: InoSMI}
Россия Украинанинг Запорожье шаҳри яқинида катта қўшин жамламоқда. Бу ҳақда CNN нашри разведка маълумотларига асосланиб, хабар берди.

Украина жануби-шарқидаги шаҳарга яқинлашиб келаётган ҳужум хавфи ҳақида ҳам рус, ҳам украин расмий нашрлари хабар берган. Запорожье ўтган йили ёзда Киев учун Россияга қарши ҳужум бошлаш учун таянч шаҳарга айланган эди.

Айрим таҳлилчиларга кўра, Россия Запорожье яқинида камида 50 минг аскар тўплаган. Янги ҳужум учун тайёргарлик Россия кучлари Донецк вилоятидаги Андреевка шаҳарчасида ўз байроғини кўтаргандан кўп ўтмай юз бермоқда.

Аввалроқ Украина раҳбарияти ўқ-дори етишмовчилиги билан боғлиқ вазият ҳақида Ғарбга мурожаат йўллаб, ёрдам сўраган эди. Украина етарлича ўқ-дори олмаса, фронтдаги вазият тубдан ўзгариши ҳақида огоҳлантирилганди. «Замин»ни Telegram’да ўқинг!