Москва ва Киев ҳалок бўлган ҳарбийларнинг жасадларини алмашди

^{Фото: Thibault Camus/AP/picture alliance}
Россия ва Украина 14 июн, жума куни ҳалок бўлган ҳарбий хизматчиларнинг жасадларини алмашди. Давлат думаси депутати Шамсаил Саралиевнинг сўзларига кўра, Россиянинг Украинадаги урушида ҳалок бўлган 32 аскар жасади Россияга қайтарилган. Ўз навбатида, Украинадаги ҳарбий асирларни даволаш бўйича мувофиқлаштирувчи штаб украиналик ҳимоячиларнинг 254 жасади қабул қилиб олинганини эълон қилди.

«Жумладан, Донецк йўналишида жанг қилган 221 нафар ҳимоячи, Запорижжя йўналишида ҳалок бўлган 25 нафар аскар, Луҳанск йўналишидан ҳалок бўлган 4 нафар ҳимоячи ва 4 нафар ҳалок бўлган аскарнинг жасадларини ватанига қайтариш мумкин бўлди, уларнинг жасадлари Россия Федерацияси ҳудудидаги ўликхоналардан олиб келинган», - дейилади Украина штаби баёнотида. Суд-тиббий экспертиза орқали шахс аниқлангач, жасадлар дафн этиш учун қурбонларнинг яқинларига топширилади.

Ҳалок бўлган аскарлар жасадини аввалги алмашиш 31 май куни бўлиб ўтганди

31 май куни Украина билан алмашув доирасида Россия томони 45 нафар россиялик ҳарбий хизматчиларнинг жасадини қабул қилди, деб хабар берди Давлат думаси депутати Шамсаил Саралиев. Ўз навбатида, Украина ҳарбий асирларни даволаш штаби 212 нафар ҳалок бўлганларнинг жасади Украинага қайтарилгани ҳақида хабар тарқатди.

Аввалроқ, Саралиев апрел ойида худди шундай алмашинув ҳақида хабар берган эди. Ўшанда Москвага 23, Киевга эса 99 ҳалок бўлган аскарнинг жасади қайтарилди. «Замин» янгиликларини «Вконтакти»да кузатиб боринг