![Россия фуқаролигини олганлар учун янги талаб жорий этилмоқда](/uploads/posts/2024-07/x01c6e12d94_920__95_1594176578.webp.pagespeed.ic.za_JrNhT-l.webp)
Россия фуқаролигини олганлардан урушда қатнашиш талаб этилмоқда.
Фото: ТАСС
Россия Давлат думаси мамлакат фуқаролигини олган шахслар учун ҳарбий хизмат муддатини икки йилга қадар узайтириш ва армияга чақирув ёшини оширишни таклиф этмоқда. Бу ҳақдаги қонун лойиҳаси қуйи палатанинг ёзги сессиялари якунигача, яъни 4 августга қадар кўрилиши кутилмоқда.
2008 йилдан эътиборан Россия Федерацияси фуқаролари учун ҳарбий хизмат муддати икки йилдан бир йилга туширилган эди. Ҳарбий хизматга чақирув чегараси эса 30 ёшни ташкил этади.
Дума спикери Вячеслав Володин ташаббуси билан ишлаб чиқилган қонун лойиҳасида РФ фуқаролигини олган чет элликлар учун мазкур муддатларни ошириш кўзда тутилган. Қолаверса, янги қонунда фуқароликка талабгорлар аввало ҳарбий ҳисобда туриши кераклиги талаби илгари сурилган.
Аввалроқ В.Володин миграцияни тартибга солиш устувор масала экани ва бу борада 25 та қонун лойиҳаси тайёрланганини айтган эди.
Россия Украинага қарши урушда кўп сонли аскарларга эҳтиёж сезаётган бир пайтда сиёсий доираларда миграция сиёсатини кескинлаштириш таклифи тобора баландроқ овозда янграмоқда.
Жумладан, жорий йил июнь ойида РФ Тергов қўмитаси раиси Александр Бастрикин миграция сиёсатини янада қаттиқлаштириш кераклигини таъкидлаган, мамлакатдаги 13-14 миллион мигрантнинг манфаат келтиришини шубҳа остига олган эди.
Унга кўра, сўнгги вақтларда Россия фуқаролигини олган 30 минг нафар муҳожирдан 10 минг нафари Украинага қарши урушга жўнатилган.
Александр Бастрикин меҳнат муҳожирларига қарши кескин позицияси билан танилган. У ўтган йили Россия фуқаролигини олган мигрантлар Украина урушида иштирок этишдан бош тортса фуқароликдан маҳрум этилиши ҳақида баёнот берганди.
Сўнгги вақтларда Россия фуқаролигини олмай, у ерда тирикчилик қилаётган меҳнат муҳожирларини ҳам турли йўллар билан Украина урушига юбориш ҳолати кўпаяётгани айтилмоқда.
Буюк Британия мудофаа вазирлиги ҳисоботида қайд этилишича, Россия ҳукумати Марказий Осиё мамлакатлари меҳнат муҳожирларини Украина урушида қатнашишга кўндиришга уринмоқда. Ихтиёрий равишда ажал комига бориш эвазига 4160 доллар ойлик маош, шунингдек, фуқаролик ваъда қилинмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![«Адашмайдиган прогнозчи» АҚШ президентлиги сайловида ким ютишини айтди расм](/uploads/posts/2024-07/x9a28c7f3e0_920__95_3136414761.webp.pagespeed.ic.7E_rMVyGaS.webp)
«Адашмайдиган прогнозчи» АҚШ президентлиги сайловида ким ютишини айтди
![Париж-2024. Бугун иштирок этадиган спортчиларимиз билан танишинг расм](/uploads/posts/2024-07/x636c790f4d_483f5c4aec5c7a2c661f9e96c86a221d.webp.pagespeed.ic.ttKj8HDIRW.webp)
Париж-2024. Бугун иштирок этадиган спортчиларимиз билан танишинг
![Туркия ТИВ: Нетаньяхунинг ҳаёти ўз жонига қасд қилган Гитлерники каби тугайди расм](/uploads/posts/2024-07/xaa37fac0eb_photo_2024-07-29_13-00-02-nuz0dhgj.webp.pagespeed.ic.6o00GivtZV.webp)
Туркия ТИВ: Нетаньяхунинг ҳаёти ўз жонига қасд қилган Гитлерники каби тугайди
![Ўйиннинг охиригача бир хилликдан воз кечмаган термамиз ва турнирни нари-бери ёритаётган ЎФА расм](/uploads/posts/2024-07/xb32fc26dec_01.webp.pagespeed.ic.-ak9djxziL.webp)
Ўйиннинг охиригача бир хилликдан воз кечмаган термамиз ва турнирни нари-бери ёритаётган ЎФА
![Тимур Кападзе: "Иккала ўйинда ҳам ютишимиз мумкин эди" расм](/uploads/posts/2024-07/xa9af87385e_242132.webp.pagespeed.ic.bHJBH2JFys.webp)
Тимур Кападзе: "Иккала ўйинда ҳам ютишимиз мумкин эди"
![Эрдўғаннинг Исроилга таҳдиди қанчалик жиддий? расм](/uploads/posts/2024-07/xc218c4acb5_xzzvw6lf7hlo0t1crik-ral0nir9wbyi_medium.webp.pagespeed.ic.0AAxOELwGG.webp)
Эрдўғаннинг Исроилга таҳдиди қанчалик жиддий?
![Шри-Ланка ҳукумати мусулмонлардан узр сўради расм](/uploads/posts/2024-07/xf110907f68_920__95_3554928668.webp.pagespeed.ic.drjStLlOyc.webp)
Шри-Ланка ҳукумати мусулмонлардан узр сўради
![Ўзбекистонда энерготизим бўйича мутлақ тарихий рекорд янгиланди расм](/uploads/posts/2024-07/xb499df41da_2958c9e298662b798e094.webp.pagespeed.ic.QxuVaE3sFP.webp)
Ўзбекистонда энерготизим бўйича мутлақ тарихий рекорд янгиланди