![Қозоғистон ташқи сиёсатини танқид остига олган Лукашенкога эътироз билдирди](/uploads/posts/2024-08/x2cd9ec142f_e-2zojcaeuc0kt97goicfqjcmqnnk3xm.webp.pagespeed.ic.X7buJRZT_e.webp)
Фото: akorda.kz
Александр Лукашенко республика ташқи сиёсатини танқид қилганидан сўнг Беларуснинг Остонадаги элчиси Қозоғистон Ташқи ишлар вазирлигига чақирилди. Қозоғистон ТИВ раҳбари Мурод Нуртлеу Минскни “бўлаётган жараёнлар бўйича Остонанинг позициясига объектив баҳо бериш”га чақирди.
ТИВ раҳбари “Қозоғистон БМТ Низоми ва халқаро ҳуқуқнинг энг асосий нормалари бўйича мувозанатлашган ва тинч ташқи сиёсат юритаётгани”ни қайд этиб, давлатлар ўртасидаги барча зиддиятлар дипломатик воситалар билан ечилиши шартлигини таъкидлаган.
Нурлеунинг алоҳида қайд этишича, “мавжуд геосиёсий вазиятда” мамлакат президенти Қосим-Жўмарт Тўқаевнинг ташқи йўналишдаги ҳаракатлари “ўзининг самарадорлигини кўрсатган”.
Аввалроқ Беларус президенти Қозоғистон ва МДҲнинг бошқа давлатларини Россиядан “нимадир олиб, эвазига ҳеч нарса бермасликни исташ”да айблаган эди.
“Биз ўзимизни баъзи давлатлар каби тутмаймиз, улар Россиядан фақат олмоқчи, ҳеч нарса бермоқчи эмас. Бунақаси кетмайди. Келинглар, бирга бўлайлик. Ҳали яна шу Россиядан ёрдам ва қўллов сўраб келадиган пайтларинг узоқ эмас”, — деган Лукашенко “Россия” телеканалига интервюси чоғида.
Лукашенко “Қозоғистонда нимадир рўй берганида”, деб 2022 йилнинг январ ойидаги намойишларни эслаган ва ўшанда Республика Хитой, Ҳиндистон ёки Покистонга эмас, Россия ва Беларусга мурожаат қилганини эслатган: «Путин, Лукашенко ёрдам беринглар”, дейишди. Биз эса [КХШТ тинчликпарвар кучлари билан] ярим кун ичида жавоб бердик, самолётларимиз Қозоғистонга қўниб, ҳамм аёқни тинчитдик”.
Украинада уруш бошлангач Қозоғистон расман Россияга қарши ғарб санкцияларига қўшилмаган эса-да, иккиламчи санкциялардан чўчиб асосий савдо чекловларига риоя қилишга ҳаракат қилиб келмоқда. Яқинда мамлакат бош вазири ўринбосари Серик Жумангарин мамлакат ҳукумати ғарбнинг Москвага нисбатан қўяётган санкцияларига “кўр-кўрона” риоя қилмаслигини айтган эди.
Лукашенконинг баёнотлари биргина Қозоғистонда эътироз келтириб чиқаргани йўқ. Шу интервюнинг ўзида Беларус президенти ғарб давлатлари билан яқинлашишга ҳаракат қилаётган Арманистон раҳбариятининг сиёсатини ҳам қоралаган. «Арманлар биздан бошқа кимга ҳам керак? Ҳеч кимга керак эмас. Иқтисодиётини ривожлантириб, ўзида бор нарсаларга эътибор қаратса бўлмайдими? Қанақа Франция, қанақа [президент Эммануэл] Макрон? Эртага Макрон бўлмайди ва ҳамма Арманистонни унутади”, — деган у. Бу баёнотдан сўнг Беларуснинг Еревандаги элчихонаси тухум, картошка ва помидор билан “ўққа” тутилган.
Июн ойида Арманистон Минскдаги элчисини маслаҳатлашув учун чақириб олган эди. Бунга сабаб Арманистон бош вазири Никол Пашинян Лукашенкони урушда Озарбойжонга ёрдам берганликда айблаб, Беларусга боришни рад этгани бўлган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Британия дипломати ҳукумат Исроилга қурол сотгани учун истеъфога чиқди расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Британия дипломати ҳукумат Исроилга қурол сотгани учун истеъфога чиқди
![Суперлига. "Сўғдиёна" сафарда "Нефтчи"ни йирик ҳисобда мағлуб этди расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Суперлига. "Сўғдиёна" сафарда "Нефтчи"ни йирик ҳисобда мағлуб этди
![Қозоғистон, Ўзбекистон, Қирғизистон ва Тожикистон спортга қанча маблағ сарфламоқда? расм](/uploads/posts/2024-08/xe16114d5ec_v1jihwjxnappg5yvzfucjacvp6zlkoaj.webp.pagespeed.ic.jr9bYw4bEt.webp)
Қозоғистон, Ўзбекистон, Қирғизистон ва Тожикистон спортга қанча маблағ сарфламоқда?
![Светлана Осипова: “Олимпиада сабаб жарроҳлик амалиётини кечиктирдик” расм](/uploads/posts/2024-08/x997aa70b3d_66c497f86767f.webp.pagespeed.ic.dpmj1gILTx.webp)
Светлана Осипова: “Олимпиада сабаб жарроҳлик амалиётини кечиктирдик”
![Зеленский: Украина Курск вилоятида буфер зона яратмоқда расм](/uploads/posts/2024-08/xd03501a299_bxc9btvhek9go3tc_betrlxt7o20go5s.webp.pagespeed.ic.mmT4-8mXLt.webp)
Зеленский: Украина Курск вилоятида буфер зона яратмоқда
![АҚШнинг бир вақтда бир нечта можаролардаги аралашуви унинг мағлубиятига олиб келади расм](/uploads/posts/2024-08/xa958f1f6d6_photo_2024-08-20_20-09-08-jezrlyqh.webp.pagespeed.ic.fZ57y-KjCL.webp)
АҚШнинг бир вақтда бир нечта можаролардаги аралашуви унинг мағлубиятига олиб келади
![Президент Нукусдаги “Оққуш” мажмуасида ташкил этилган ўтовлар кўргазмасини кўздан кечирди расм](/uploads/posts/2024-08/xb9afaf1f2b_otov1-fdghjwfs.webp.pagespeed.ic.PVEtLt-iAh.webp)
Президент Нукусдаги “Оққуш” мажмуасида ташкил этилган ўтовлар кўргазмасини кўздан кечирди
![Трамп президентлик сайловида ғалаба қозонса Илон Маскка Оқ уйдан лавозим таклиф қилади расм](/uploads/posts/2024-08/xdb4ab3b743_n5pgwesortzkz8i2h93fp8dyjuqxfpqf.webp.pagespeed.ic.MJFDnd-Sgv.webp)
Трамп президентлик сайловида ғалаба қозонса Илон Маскка Оқ уйдан лавозим таклиф қилади