Карим Хон Фото: EPA
Мўғулистон ХЖС буйруғини нега эътиборсиз қолдирганини тушунтириши керак, деди Халқаро жиноий суд (ХЖС) прокурори Карим Хон 5 сентябр, пайшанба куни эълон қилинган Британиянинг ВВС медиа-компаниясига берган интервюсида.
«Суд даражасида музокаралар жараёни давом этмоқда. Агар ҳамкорлик бўлмаса, судялар ўз тавсияларини беришлари мумкин, аммо мен ҳеч нарса бўйича олдиндан ҳукм чиқармоқчи эмасман, чунки ҳозир бу масала судялар ва Мўғулистон ҳукумати ўртасида ҳал қилинмоқда», - деди прокурор.
Хоннинг айтишича, у эртами-кечми Россия президенти Владимир Путиннинг Ҳаагадаги судлов маҳкамасига тушишига шубҳа қилмайди. Прокурор ўтмишдаги кўплаб нуфузли шахслар судга тортилганини эслади. У собиқ Югославиянинг сиёсий раҳбарларини мисол қилиб келтирди.
«Собиқ Югославия бўйича трибунал Каражич ва Младични ҳибсга олишга ордер сўраганида, Милошевичда ҳам, Серра-Леоне бўйича махсус суди собиқ президент Чарлз Тейлорни ҳибсга олишга ордер берганида одамлар кулишганди, лекин тарих кўрсатганидек, ўз мамлакатида ва минтақада ўтмишда катта кучга эга бўлган бу одамлар судлов маҳкамасига тушишган, агар кимдир юқори масъулият билан чекланмаган кучдан фойдаланиб, хоҳлаган нарсасини қилса, унинг манёвр майдони торайганлигини кўрсатадиган мисоллар мавжуд», деди Карим Хон.
Хоннинг сўзларига кўра, Путинни ҳибсга олишга ордер бериш қийин бўлмаган. «Мен воқеа жойида бўлдим (Украинада)», - дея тушунтирди ХЖС прокурори.
Украина Путинни ҳибсга олмагани учун Мўғулистонга оқибатлар билан таҳдид қилди
Мўғулистон РФ президенти Владимир Путинни ҳибсга олишдан воз кечиб, Халқаро жиноят суди ва халқаро жиноят ҳуқуқига «оғир зарба» берди, деди Украина ТИВ расмий вакили Георгий Тихий.
«Мўғулистон айбланаётган жиноятчига одил судловдан қочиш имконини яратди ва шу билан унинг ҳарбий жиноятлари учун масъулиятни ҳам ўз гарданига олди. Биз ҳамкорларимиз билан бу Улан-Батор учун оқибатлари келтириб чиқариши учун ишлаймиз», — деб ёзган Тихий Х ижтимоий тармоғида.
Россия президенти Владимир Путин 2 сентябр куни Мўғулистонга икки кунлик расмий ташриф билан келди. У бу ташрифни Мўғулистон президенти Ухнаагийн Хурэлсухнинг таклифига биноан амалга оширган. Кремлдагилар ташриф СССР ва Мўғулистоннинг «Халхин-Гол дарёсида япон милитаристлари устидан ғалаба» қозонилганининг 85 йиллигига бағишлаб амалга оширилаётганини таъкидлаган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ИШИД Европадаги тарафдорларини яҳудийларга ҳужум қилишга чақирди
АҚШ Ғазо сектори бўйича янги режа тақдим этди
АҚШ расмийлари: Исроил ва ҲАМАС ўртасидаги келишув якунланиш арафасида
Малайзия бош вазири Ғарбни иккиюзламачиликда айблади
CNN таслим бўлган украиналик аскарларнинг отиб ташланиши акс этган видеони эълон қилди
“Кавказ асираси”да ҳеч ким пайқамаган хатолик: Шурикнинг сочи қанақа рангда?
Лавров «қизил чизиқлар бўйича ҳазиллашмаслик кераклиги»ни айтди
Фарғонада Cobalt’лар ортилган автотрейлер ЙТҲга учради
