Канаданинг Онтарио провинциясида ётоқхонасидан кўршапалак чиққан бола қутуриш оқибатида вафот этди, деб хабар беради BBC.
Халдиманд-Норфолк тиббиёт бўлинмаси шифокори Малколм Локнинг сўзларига кўра, бола Садбери шимолидаги ҳудудида вирусга чалинган.
"Улар уйғониб, ётоқхонада кўршапалакка дуч келган", — дейди Лок. Унинг қўшимча қилишича, ота-она фарзандида бирор жароҳат ёки тирналиш изларини кўрмаган ва шу сабабли болани қутуришга қарши эмлатгани олиб бормаган. Бу Онтариода 1967 йилдан бери қутуришдан инсоннинг вафот этиши билан боғлиқ биринчи ҳолат.
Расмийлар ёшини эълон қилмаётган бола сентябр бошида мазкур воқеа сабаб шифохонага олиб борилган. Қутуриш — бу ўлимга олиб келадиган вирусли касаллик бўлиб, у ҳайвонлардан, масалан, кўршапалаклар, тулки ёки енотлардан сўлак орқали инсонга юқиши мумкин.
Жаҳон соғлиқни сақлаш ташкилоти маълумотларига кўра, мазкур касаллик бош ва орқа мияга жиддий жароҳат етказади, қутуришнинг белгилари пайдо бўлгач, касалликка чалинган инсонлар аксарият ҳолларда вафот этади.
Локнинг маълум қилишича, Жанубий Онтариода қутуриш касаллигига чалинган кўршапалаклар сони охирги йилларда 10 фоиздан 16 фоизгача ошган. «Кўршапалакларга дуч келган ҳар қандай инсон тиббий ёрдам сўраб мурожаат қилишлари фавқулодда муҳим», — дейди у. Шифокорнинг айтишича, даволаш ва вакцинацияни имкон қадар тез бошлаш керак, чунки кўршапалак тишлашидан қолган излар дарҳол кўринмаслиги мумкин.
Канада Соғлиқни сақлаш вазирлиги маълумотларига кўра, мамлакатда инсонлар ўртасида қутуриш ҳолатлари жуда кам учрайди. Ушбу касалликни рўйхатга олиш бошланган 1924 йилдан бери олтита провинцияда 28 та ҳолат қайд этилган бўлиб, уларнинг барчаси ўлим билан якунланган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
