Дунёдаги энг паст бўйли аёл туғилган кунида янги рекорд ўрнатди

16 декабрь куни сайёрамиздаги энг паст бўйли аёл Жоти Амжи 31 ёшга тўлди. Ҳиндистонлик аёл учун бу кун алоҳида аҳамиятга эга бўлди, чунки у янги рекордни ўрнатди.

^{Фото: World Guinness Records}
Гиннеснинг рекордлар китоби расмий сайтида Жоти Амжи дунёдаги энг кичик қўлларга эга аёл бўлгани ҳақида хабар берилди. Унинг чап кафт узунлиги 7,1 сантиметр, ўнг кафт узунлиги эса 7,2 см.

Рекордчи аёл қўлларининг ўлчами Coca-Cola темир банкасининг баландлиги ёки бейсбол тўпи диаметрининг ярмига тенг. Шунинг учун барчага одатий катталикда бўлган нарсалар Жотининг қўлларида улкан кўринади.

^{Фото: World Guinness Records}
Эслатиб ўтамиз, Жоти Амжи илк бор 2009 йилда Гиннеснинг рекордлар китобида қайд этилган. Ўша вақтда унинг бўйи бор-йўғи 61,8 сантиметр эди.

Ҳозирда унинг бўйи 62 см бўлиб, болалигида Жотига ахоедроплазия ташхиси қўйилган. Рекордчининг овози ёш қизчаларникидек ингичка. У ўзининг ноодатий ташқи кўриниши орқали машҳур блогер ва актрисага айланган.

^{Фото: World Guinness Records}
Жоти ўзининг бошқаларга ўхшамаслигидан қайғурмаслигига унинг шифокор ота-онаси сабабчи. У болалигидан ўзига хос уникал инсон эканлигига ишонган ва бу ишонч унга актрисалик фаолиятини танлашига туртки бўлган. Ижтимоий тармоқ юлдузига айланган Амжи American Horror Story сериалида ҳам суратга тушган.

^{Фото: World Guinness Records}
Эслатиб ўтамиз, Жёти Амжи Жаҳон рекордлар куни 20 йиллиги муносабати билан Лондондаги Савой меҳмонхонасида дунёдаги энг баланд аёл — 27 ёшли Румейса Гелги билан учрашди. Румейсанинг бўйи 215 см. Унга камёб касаллик — Уивер синдроми ташхиси қўйилган. Касаллик тананинг ҳаддан ортиқ тез ўсишига ва суяк деформациясига олиб келади.

^{Фото: World Guinness Records} “Замин” янгиликларини “Telegram”да кузатиб боринг