Россия Давлат Думасининг мудофаа қўмитаси раиси Андрей Картаполов Украина томонидан сўнгги кунларда Москва ва бошқа ҳудудларга амалга оширилган оммавий дрон ҳужумларига жавобан "Орешник" деб номланган янги кучли ракета билан зарба бериш таклифини илгари сурди.
Картаполовнинг айтишича, бу қарор амалга ошадими ёки йўқ, Владимир Путин томонидан қабул қилинади, чунки у Россиянинг олий бош қўмондон ҳисобланади.
"Орешник" ракетасини ишлатиш тўғри қарор бўларди, ҳатто битта эмас, бир нечта миқдорда," — дейди Картаполов.
Украина дрон ҳужумлари ва Россиянинг жавоби
Сўнгги кунларда Россия мудофаа вазирлиги Москва, Москва вилояти ва бошқа ҳудудларга Украина дронлари томонидан оммавий ҳужумлар уюштирилгани ва бунинг оқибатида қурбонлар ҳамда вайронагарчиликлар юз берганини маълум қилди.
Шу сабабли, Картаполовнинг таклифи ҳарбий экспертлар томонидан баҳсли қабул қилинди.
Баъзи таҳлилчилар фикрича, баллистик ракетани ишлатиш эҳтимоли кам, бироқ бу ҳаракат АҚШ томонидан Россиянинг тинчлик келишувига тайёр эмаслиги сифатида баҳоланиши мумкин.
"Орешник" ракетаси ҳақида нима маълум?
Бу ракетадан илк бор 2024 йил 21 ноябрь куни Днепр шаҳрига қарши фойдаланилган. У гипертовушли қурол бўлиб, 10 Мах тезликкача етиб бориши мумкин. "Орешник" ўрта масофали қурол бўлиб, унинг қўлланилиши АҚШ ва Ғарб томонидан кескин муносабатга сабаб бўлиши мумкин.
Кремль ва Путиннинг реакцияси
Кремль вакили Дмитрий Песков Россия президенти Владимир Путин Москвага қилинган дрон ҳужумлари ҳақида тўлиқ маълумот олганини тасдиқлади.
"Киев аҳоли яшайдиган уйларга зарба бермоқда, Россия эса ҳарбий объектларга ҳужум қилмоқда," — дейди Песков.
Ҳозирча Кремль томонидан "Орешник" ракетаси ҳақида расмий қарор қабул қилинмаган. Бундай йирик ҳужум ортидан Россия ва Ғарб ўртасидаги кескинлик янада ортиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
