Хитой АҚШ маҳсулотларига 84% бож жорий қилди

Хитой Молия вазирлиги АҚШдан олиб кириладиган барча товарларга 84% миқдорида бож жорий этганини эълон қилди. Бу чоралар 10 апрель куни, маҳаллий вақт билан соат 12:01 да кучга киради, деб хабар берилди.

Бу қарор АҚШнинг Хитойга нисбатан 104%лик божлар жорий этганига жавоб сифатида қабул қилинди.

Хитойнинг эълонидан сўнг Европанинг асосий фонд бозорлари пасайишни бошлади.

Британия FTSE 100 индексининг қиймати 3,3% га тушди.
Германия DAX индекси 4% га пасайди.
Франция CAC 40 индекси ҳам 4%га тушди.

Кўзлар энди АҚШ фонд бозорлари очилишида бўлади — уларнинг қандай реакция билдириши кутилаяпти.