Трамп Хитой товарларига божларни оширди

АҚШ Хитойдан импорт қилинадиган товарларга божларни 145% га етказди, деб finance.mail.ru хабар берди. Бу ҳақда Оқ уй вакили CNBC телеканалига маълум қилди. Унинг сўзларига кўра, Дональд Трампнинг сўнгги фармони Пекинга нисбатан божларни 84% дан 125% гача оширган. Шунингдек, фентанил муаммоси туфайли аввал 20% бож ҳам жорий этилган эди.

Трамп бу қарорни 9 апрел куни эълон қилди. Шу билан бирга, у 75 та давлат билан савдо қарама-қаршилигини тўхтатишга қарор қилди. Ушбу давлатлар АҚШга қарши жавоб чоралари кўрмаган ва музокаралар учун мурожаат қилган. 10% дан юқори божларнинг жорий қилиниши 90 кунга кечиктирилади. «Замин»ни Telegram’да ўқинг!