АҚШ: “Украинада ўт очиш тўхтамас экан, Россия билан келишув бўлмайди”

АҚШ Украинадаги уруш тўхтамас экан, Россияга қарши санкцияларни енгиллаштирмайди ва икки томонлама келишувларга кирмайди, деб 15 апрелда Давлат департаменти расмий вакили Тэмми Брюс билдирди.

“Бу қирғин тўхтамагунча, ҳеч қандай музокаралар ёки келишувлар бўлмайди”, — деди Брюс журналистларга.

У Россиянинг Сумига қилган ракетали ҳужуми (35 киши ҳалок бўлган) тинчликни ким истайди ва ким истамаслигини яққол кўрсатиб қўйганини таъкидлади. Брюс урушни “ҳеч нарса ўзгармайдиган гўшт майдалагич” деб атади.

WSJнинг ёзишича, АҚШда Трампга яқин шахслар — давлат котиби Марко Рубио ва Украина бўйича махсус вакил Кит Келлог — Трампни Путиннинг “дипломатик ниятлари”га ишониб қолмасликка чақирган.

Оқ уйда эса шундай савол муҳокама қилинмоқда: Россияни тинчлик музокараларига мажбурлаш учун санкциялар янада кучайтирилиши керакми?

Сиз қандай деб ўйлайсиз — Россияни музокарага олиб келиш йўли қайси?

АҚШ Россия Украина Трамп Тинчлик Музокараси Санкция Янгиликлар