Британиялик қиз 7 минг км йўлни қайиқда босиб ўтди

Жаҳонда ҳар куни янги рекордлар ўрнатилади, янги қаҳрамонлар дунёга келади. Аммо айрим инсонлар ўз жасорати ва иродаси билан миллионлаб инсонларни ҳайратга солади, руҳлантиради ва мотивация беради. Британиялик 21 ёшли Зара Лаклан айнан шундай жасорат эгаларидан бирига айланди. У ўзининг ғайрат ва матонати билан нафақат тарихга кирди, балки бутун дунёга шундай бир ишонч уфуқини очдики — "Илм ва ирода билан имконсиз деган тушунча йўқ".

Зара Лаклан Атлантика океанини эшкакли қайиқда ёлғиз ҳолда кесиб ўтиб, бир неча жаҳон рекордларига эга бўлди. У Европадан Жанубий Америкага қадар 7 минг километрлик йўлни кечиб ўтди. Бу қаҳрамонлик саёҳати Португалиянинг Лагуш шаҳридан бошланган ва Франция Гвианнаси пойтахти Каенна шаҳригача давом этган.

Ушбу ҳайратомуз йўлни босиб ўтиш учун Зарага 97 кун, 10 соат ва 20 дақиқа вақт керак бўлди. Бу муддат ичида у узлуксиз меҳнат қилди: кунига камида 17 соат эшкак эшди, ухлашга эса фақат 90 дақиқалик қисқа вақтлар ажратди. У ўз сўзларида таъкидладики, бу саёҳат ҳар қандай инсон учун эмас, аммо у ёшлиги ва тайёргарлиги туфайли бу қийинчиликларга дош берди.

Бу рекорд нафақат узун йўлни босиб ўтиш, балки руҳий бардош ва жисмоний чидамлиликда ҳам дунёга намуна бўла олади. Зара — Атлантикани эшкакли қайиқда кесиб ўтган энг ёш спортчи, бу ишни ёлғиз бажарган биринчи аёл ва бутун тарихдаги энг ёш инсон сифатида Гиннес рекордлар китобига киритилди.

Унинг сўзларига кўра, бу саёҳат жуда оғир бўлган. Океандаги табиат шароити, кучли шамоллар, тўлқинлар, жонзотлар ва узоқ-узоқ кунлар давомида инсонларсиз ҳаёт — буларнинг барчаси Зарага янги куч бағишлаган. У ҳар куни ўзини қайтадан янгидан кашф қилди, иродасини, матонатини ва яшашга бўлган иштиёқини синовдан ўтказди.

Лаклан ўз саёҳатида нафақат физик жиҳатдан, балки маънавий ва ақлий жиҳатдан ҳам улкан синовларни бошдан кечирди. Унинг қайиғи кичик ва қулайликлардан холи бўлган. Унинг асосий ёрдамчилари — ишонч, интизом, сабр ва мақсадга садоқат бўлди.

Зара бу ютуғини ёшларга илҳом сифатида тақдим этмоқда. У таъкидлайдики, ҳеч нарса мумкин эмас деган гапга ишонманг, ҳар қандай орзу — агар унга ҳаракат қилсангиз — амалга ошади.

Унинг бу ютуғи кўплаб ёшлар учун илҳом манбаи бўлмоқда. Бу нафақат спорт йўналишида, балки ҳар қандай соҳада юргизниш, курашиш ва орзу сари интилиш учун жонли мисолдир.

Зара Лакланнинг ушбу саёҳати дунёдаги миллионлаб инсонларга мотивация бериши табиий. Унинг қатъияти ва ҳаракати шунчаки рекорд эмас, балки инсон иродасининг шонли намунасидир.

Мутахассислар айтишича, бундай саёҳатларга тайёргарлик бир неча йил давом этади. Бу фақат жисмоний машғулотлар эмас, балки техник билимлар, хавфсизлик чоралари ва психологик тайёргарликни ҳам ўз ичига олади. Зара бу соҳада ҳам ўз устозлари ва маслаҳатчилари билан биргаликда узоқ муддат тайёргарлик кўрган.

Зара Лаклан ўз саёҳатидан сўнг бир неча интервьюларда бу ғалабасини ўз оиласи, дўстлари ва ёш авлодга бағишлаганини айтди. У ўзининг келгуси режаларида яна бир неча экстремал саёҳатлар қилиш ниятида эканлигини билдирган.

Заранинг тарихи ҳамиша ёдда қолади. Унинг исми фақат Гиннес рекордлар китобида эмас, балки миллионлаб инсонларнинг қалбида ҳам муҳрланиб қолиши турган гап.

Бу қаҳрамонлик саёҳати бир нарсани исботлайди: инсон иродаси — энг кучли қудрат. Ва агарда сиз ҳам ўз мақсадингиз сари тинмай интилсангиз, ҳатто океан ҳам сизга тўсиқ бўла олмайди. «Замин»ни Telegram’да ўқинг!