Россия ва Украина ўртасидаги зиддият яна қайноқ нуқтага айланди. 28 июль санасига ўтар кечаси Украина пойтахти Киевда яна бир даҳшатли ҳаво ҳужуми амалга оширилди.
Бу сафарги ҳужумда Россия томонидан фойдаланилган қурол — учувчисиз бўлиб, улар шаҳарга кириб келиши биланоқ портлашлар юз берди. Киев шаҳар ҳарбий маъмурияти раҳбари Тимур Ткаченконг таъкидлашича, бу кутилмаган зарба оқибатида саккиз киши жароҳат олган.
Энг аламлиси шундаки, яраланганлар орасида бир бола — уч ёшли гўдак ҳам бор. Маълумотларга кўра, унинг аҳволи ўртача оғир, тўрт киши эса шифохонага ётқизилган. Ткаченконинг айтишича, ҳужум натижасида Дарницкий туманидаги кўп қаватли уйларнинг деразалари парчаланган.
Ҳужум пайтида шаҳар бўйлаб ҳаво ҳужуми хавфи ҳақидаги огоҳлантиришлар тарқатилди. Қўрқув, ташвиш ва хавотир Киев осмонини қоплаб олди. Портлашлардан сўнг шаҳар полицияси вайронага айланган бинолар акс этган видеоларни Telegram саҳифаси орқали эълон қилди.
Айни пайтда Россия томони бу ҳужум юзасидан расмий изоҳ бермаган. Украина фуқаролари эса ҳар куни ўлим, жараҳат ва вайрона яқинлигида яшашга мажбур. Бундай шароитда ҳаёт — ҳар дақиқада хавф остида эканини яна бир бор исботлади.
Маҳаллий аҳоли бундай вазиятга кўникишга уринмоқда, аммо ҳар бир портлаш, ҳар бир янграган сигнал — тинчликка бўлган умидни синовга солаётгани аниқ. Шаҳар инфратузилмасига етказилган зарар ҳозирча ҳисобланмоқда, лекин инсон ҳаётига етган зарарни ўлчашнинг иложи йўқ.
Киев осмони яна қора тусга кирди. Ҳар куни мўъжиза кутган халқ, бугун эса фақатгина омон қолиш ҳақида ўйламоқда. Украинадаги болалар учун болалик ўз маъносини йўқотмоқда — улар учун энди уй, оила ва хавфсизлик тушунчаси хавф билан боғланган.
Ушбу воқеа яна бир бор шуни кўрсатдики, тинч аҳоли ҳар қандай сиёсий низо қурбонига айланиши мумкин. Дунё жамоатчилиги бу воқеага эътибор қаратаётган бўлса-да, фуқаролар ҳар куни шундай хавфлар остида яшамоқда. Улар учун тинч кун — орзу, хотиржам кеча — мўъжиза.
Шаҳарда таъмирлаш ишлари бошланган. Аммо инсон руҳиятида қолган изларни қандай тўлдириш мумкин? Бола қалбида қолган қўрқув, ота-онанинг хавотири ва деразаси йўқ уйдаги ҳаёт — бунинг ҳаммаси шунчаки статистика эмас, балки ҳақиқий инсонлар ҳаёти.
«Замин»ни Telegram’да ўқинг!
