15 сентябрь куни халқаро сувларда кутилмаган ҳодиса рўй берди. АҚШ Қуролли кучлари гиёҳванд моддалар ташиётгани гумон қилинган Венесуэлага тегишли кемага зарба берди. Бу ҳақда Президент Доналд Трампнинг ўзи маълум қилди.
Расмий баёнотга кўра, кема Қўшма Штатлар томон ҳаракатланаётган пайтда ҳужум амалга оширилган. Натижада кемада бўлган уч нафар эркак ҳалок бўлгани тасдиқланди.
Президент Трамп бу воқеани “шафқатсиз наркокартеллар ва наркотеррорчиларга қарши йўналтирилган иккинчи зарба” сифатида баҳолади. Унинг таъкидлашича, АҚШ томонидан венесуэлалик наркокартелларга тегишли кемага қарши биринчи ҳужум сентябр ойи бошларида Кариб денгизининг жанубий ҳудудида амалга оширилган эди.
Мутахассисларнинг фикрича, мазкур ҳаракат Вашингтоннинг наркотрафикка қарши курашда кескин стратегиядан фойдаланаётганини кўрсатади. Халқаро экспертлар эса бу каби амалиётлар икки давлат ўртасидаги муносабатларда янада таранглик келтириб чиқариши мумкинлигини таъкидлашмоқда.
АҚШ расмийлари наркотик моддаларнинг ўз ҳудудига кириб келишига йўл қўймаслик учун қатъий чоралар кўрилишида давом этишларини билдиришди.
Шу билан бирга, ҳодиса халқаро майдонда кенг муҳокамаларга сабаб бўлди. Чунки Венесуэла ҳукумати бу каби ҳаракатларни миллий суверенитетни бузиш сифатида баҳолаши мумкин.
Якуний хулоса шундан иборатки, АҚШ ва Венесуэла ўртасидаги муносабатлар янада таранглашиши мумкин. Наркотрафикка қарши курашда эса янги босқич бошланиши эҳтимолдан холи эмас.
«Замин»ни Telegram’да ўқинг!
