Бразилия президенти Луис Инасио Лула Силва интервьюда АҚШ президенти Доналд Трамп билан ҳеч қандай алоқаси йўқлигини айтди. У Трампнинг Бразилия маҳсулотларига қўйилган 50 фоизлик божларини сиёсий қарор деб атади ва бу қарор америкалик истеъмолчиларга қимматга тушишини таъкидлади.
Лула Трамп билан бирор марта бевосита гаплашмаганини билдирди. Унинг айтишича, божлар ҳақида у матбуот орқали хабар топган. Лула Трамп қарорларни дипломатик йўл билан эмас, балки ижтимоий тармоқлар орқали эълон қилишини танқид қилди.
Президент, шунингдек, собиқ президент Жаир Болсонару ҳақида ҳам фикр билдирди. У Болсонару мамлакатда тўнтариш уюштирмоқчи бўлганини ва суд томонидан 27 йилга қамалганини эслатди. Лула Трампнинг Болсонаруни ҳимоя қилганини ҳам қоралади.
Лула БМТдаги ислоҳотлар зарурлигини айтиб, беш доимий аъзо ҳаддан ташқари кучга эга эканини таъкидлади. У Россия ва Хитой билан ҳамкорликни давом эттирса-да, Украинадаги урушни қўлламаслигини билдирди.
«Замин»ни Telegram’да ўқинг!
