АҚШ армияси махсус операцияси вақтида юз берган фожиали ҳодиса мамлакатда катта қайғуга сабаб бўлди. NBC News хабар беришича, 17 сентябрь куни кечки пайт Вашингтон штатида MH-60 Black Hawk туридаги ҳарбий вертолёт ҳалокатга учради. Натижада тўрт нафар элита ҳарбий хизматчи ҳалок бўлди.
Ҳодиса тафсилотлари
Маълумотларга кўра, фожиа маҳаллий вақт билан соат 21:00 да Льюис–Маккорд қўшма ҳарбий базасига яқин ҳудудда содир бўлган. Вертолётда АҚШ ҳаво десантидаги 160-махсус авиация полкига тегишли бўлган тунги миссиялар бўйича тажрибали жангчилар бўлган. Улар хизмат вазифасини бажараётган пайтда ҳалокат қурбонига айланди.
Ўрмон ёнғони келиб чиқди
Вашингтон табиий ресурслар департаментининг маълумот беришича, ҳалокат натижасида 1,25 гектар майдонда кичик ўрмон ёнғини келиб чиққан. Аммо ёнғин тез назоратга олинган ва уни ўчириш учун кўп техника жалб қилинмаган.
Армия қўмондони баёноти
АҚШ махсус операциялар қўмондони, генерал-лейтенант Жонатан Брага ҳалок бўлган ҳарбийларни “армиянинг энг юксак қадриятларини ўз танасига сингдирган элита жангчилар” сифатида таърифлади. Унинг таъкидлашича, уларнинг жасорати ва хизматга садоқати ҳеч қачон унутилмайди. Ҳодиса жойида қутқарувчилар, ҳуқуқни муҳофаза қилувчи органлар ва қўшма база ходимлари биргаликда иш олиб боришган.
Илгариги фожиалар
Маълумот учун, бу сўнгги йилларда АҚШ армиясида қайд этилган ҳаводаги иккинчи йирик ҳалокатдир. 2023 йилда ҳарбий тайёргарлик машғулотлари пайтида ҳавода ёқилғи қуйиш амалиёти вақтида Шарқий Ўрта Ер денгизида ҳарбий вертолёт қулаши натижасида беш нафар махсус операциялар хизматчиси ҳалок бўлган эди.
«Замин»ни Telegram’да ўқинг!
