Исроилнинг Ғазо шаҳрига ҳужумлари давом этмоқда. “Ал-Шифа” шифохонаси вайронага айланган бўлса-да, шифокорлар ярадорларни қабул қилишда қийинчиликка дуч келмоқда. Операциялар кўпинча оғриқсизлантирувчи дори воситаларисиз ва етарли тиббий жиҳозларсиз ўтказилмоқда.
Австралиялик кўнгилли шифокорларнинг айтишича, ҳар куни юзлаб ярадорлар олиб келинмоқда. Улардан бири ҳомиладор аёлга шошилинч операция ўтказилганини ва унинг чақалоғи тирик қолганини маълум қилди. Кўплаб болалар ҳам оғир жароҳатлар билан навбат кутишга мажбур бўлаётгани айтилмоқда.
Исроил армияси шаҳарга тобора яқинлашмоқда. Танклар жануб ва ғарбий йўналишлардан марказга кириб келаётгани сабабли тинч аҳолининг кўпчилиги уйларини тарк этишга мажбур бўлмоқда.
Расмий рақамларга кўра, 2023-йил октябридан бери Исроил ҳужумларида 65 мингдан ортиқ фаластинлик ҳалок бўлган. Шифохоналар ёпилиши ва дори-дармон тақчиллиги аҳолининг аҳволини янада оғирлаштирмоқда.
«Замин»ни Telegram’да ўқинг!
