Ғазо шаҳридаги шифохоналар маълумотига кўра, Исроилнинг ҳаво ва ер ҳужумларида 80 дан ортиқ фаластинлик ҳалок бўлди. Фирас бозори яқинида вақтинчалик бошпана бўлган бино ва чодирларга зарба берилиши оқибатида камида 20 киши, жумладан аёллар ва болалар жон берди.
Исроил армияси ҳужумда икки нафар ҲАМАС жангариси нишонга олинганини айтмоқда. Бироқ бу рақамлар маҳаллий манбалар хабар қилган қурбонлар сонига тўғри келмайди.
БМТ маълумотига кўра, шаҳарда юз минглаб одамлар оғир шароитда қолмоқда. Озиқ-овқат ва тиббий ёрдам танқис, уйлар вайрон бўлмоқда.
Исроил армияси аҳолига хавфсизлик учун жанубга кўчишни маслаҳат бермоқда. ҲАМАС эса бундай ҳужумлар гаровдагилар ҳаётини хавф остига қўйишини огоҳлантирди. Айрим аҳоли эса ўз уйларини тарк этмаслигини айтмоқда.
«Замин»ни Telegram’да ўқинг!
