Қирғиз депутатлари парламентни тарқатишга қарор қабул қилди
Қирғизистон депутатлари парламентни муддатидан аввал тарқатиш ҳақидаги қонунни бир овоздан маъқуллади. Парламент раиси Нурланбек Турғунбек уули бу қарор 2026 йил ноябридаги парламент сайловлари билан 2027 йил январидаги президентлик сайловлари вақтини мослаштириш учун қабул қилинганини айтди. Янги парламент сайловлари қачон ўтказилиши ҳозирча номаълум.
Қирғизистонда қонун чиқарувчи орган тақдирига оид муҳим қарор қабул қилинди. Маҳаллий ОАВ маълумотига кўра, депутатлар парламентни муддатидан аввал тарқатиш ҳақидаги қонунни овозга қўйиб, бир овоздан маъқуллашган.
Парламент раиси Нурланбек Турғунбек уули таъкидлашича, бундай қадам 2026 йил ноябрига белгиланган парламент сайловлари билан 2027 йил январда ўтказилиши кўзда тутилган президентлик сайловлари орасидаги вақтни мослаштириш мақсадида қилинган.
Шу билан бирга, янги парламент сайловлари қачон ўтказилиши ҳақида ҳозирча аниқ маълумот берилмаган.
Изоҳлар 0
…