Машҳур актёр Жеймс Диннинг актриса Барбара Гленнга ёзган севги мактуби Нью-Йоркдаги RR Auction аукционида 32,5 минг долларга (2,6 млн рубл) харид қилинди, деб хабар бермоқда New York Post.
Икки саҳифадан иборат мактуб 1954 йилда ёзилган — яъни актёр ҳалокатли автоҳалокати юз берганидан бир йил аввал. Ўша пайтда Гленн Нью-Йоркда яшаган, Дин эса Голливудда илк йирик лойиҳаси — “Шарқий Эден” фильми суратга олинаётган эди.
“Мактуб ёзмадим, чунки севиб қолганман”, — деб бошлайди Дин. У мактубида Cisco исмли отга қойил қолганини ёзади ва хатига отнинг суратини ҳам илова қилади. Шунингдек, актёр севгилисига “жуда ёлғизман” дея дардини очиб, уни қанчалик соғинаётганини таъкидлайди.
Барбара Гленн билан Дин 1950 йиллар бошида умумий танишлари — актёр Мартин Ландау орқали танишган эди. Улар икки йил давомида учрашиб юрган, бироқ Дин Калифорнияга кўчиб кетгач, муносабатлари якунланган. Кейинчалик Гленн актёр Марк Гордонга турмушга чиқди ва уларнинг Кейт исмли ўғли туғилди.
