Қозоғистон пойтахти Олмаота шаҳрида Миллий гвардия ҳарбий хизматчиси ўз хизмат қилаётган 5571-қисм биносининг учинчи қаватидан пастга сакраб, оғир ҳолатга тушди. Бу ҳақда “Tengrinews” хабар берди.
Воқеа 4 октябрь куни содир бўлиб, аскар шифохонага ётқизилди ва унга зарур тиббий ёрдам кўрсатилмоқда. Ҳозирда унинг соғлиги ва психологик ҳолати доимий назорат остида.
Шифокорларнинг таҳлилига кўра, аскар чуқур депрессия ҳолатида бўлган. Бу ҳолат унинг ҳарбий хизматга чақирилгунига қадар яқин қариндошини йўқотиши билан боғлиқ эканлиги айтилади. Аскар ҳарбий-терапевтик комиссиянинг кейинги хизматга яроқлилигини аниқлайдиган қарорини кутаётган эди. Видеокузатув камераларида ташқи аралашувлар қайд этилмаган.
Ҳарбий қисмда хизмат текшируви олиб борилмоқда, ҳодисанинг барча жиҳатлари ўрганилмоқда. Нашрнинг маълум қилишича, ўтган йилнинг кузида ҳам худди шу қисмда чақирилувчи аскар тўппончадан яраланган ҳолат юз берган.
Бу фожиали воқеа ҳарбий хизматчиларнинг психологик соғлиги, стресс ва оилавий ҳолатларга бўлган эътиборнинг қанчалик муҳим эканини яна бир бор кўрсатиб берди.
“Zamin”ни Telegram'да ўқинг!
