Жорий йилнинг 2 октябрь куни Хитойнинг Хунань провинциясидаги Луян шаҳрида ўтказилган дронлар шоуси одатдаги байрам салютидан фарқли равишда томошабинлар учун ҳақиқий фалокат саҳнасига айланди. Шоу давомида осмонга чиқарилган ранг-баранг дронлар назоратдан чиқиб, ёниб кетган парчалари томошабинлар устига ва атрофдаги дарахтларга ёғила бошлади. Бу эса қисқа вақт ичида ярим ёниб кетган ортиқча учқинлардан ўрмон ёнига олиб келди. Бу ҳақда NTDTV нашри хабар берди.
Интернетда тарқалган видеоларда даҳшатли манзара аниқ кўринади. Ёнаётган парчалар одамлар орасига тушиши оқибатида хавотирли ҳолат юз берган ва тепалик ёнида ёғин пайдо бўлган. Кадрларда одамларнинг ваҳимали қичқириқлари, шовқин ва тартибсизликни кузатиш мумкин.
Шу билан бирга, расмийлар ҳодисанинг оқибатини яширишга уринишган. Шоу ўтказилган боғ маъмурияти ёнғинни “аҳамиятсиз” деб баён қилиб, уни тезда бартараф этганини таъкидлаган. Туман ҳокимлиги ҳам ҳеч ким жабрланмаганини ва ҳодиса кейинги томошаларга таъсир қилмаслигини маълум қилган.
Аммо воқеа гувоҳлари воқеа манзарасини бундан фарқли тасвирлаган. Шоуни томоша қилиш учун узоқ йўл босиб келган сайёҳлар ижтимоий тармоқларда ўз таассуротлари ва даҳшатли воқеани ёритган.
“Луянга йўл босиб келдим, ўша жойда ўзим бўлганман. Ўрмон ёнғини ниҳоятда кучли эди! Бир неча сония ичида кичик учқунлар даҳшатли алангага айланди”, — дейди томошабинлардан бири ўз ҳис-туйғуларини баён қилиб.
Бу воқеа дрон шоулари хавфсизлигини яна бир бор диққат марказига олиб келди ва томошабинларнинг хавфсизлигини таъминлашда қатъий чоралар зарурлигини кўрсатди.
“Zamin”ни Telegram'да ўқинг!
