Сингапурда героин сақлаганликда айбланган 38 ёшли Малайзия фуқароси Паннир Селвам Прантаман қатл этилди. У 2014 йилда 52 грамм героин билан қўлга тушган ва суд томонидан ўлим жазосига ҳукм қилинган.
Сингапур қонунларига кўра, 15 граммдан ортиқ героин сақлаш қатл жазосига олиб келиши мумкин. Ҳукумат бу чорани “жамиятни наркотиклардан ҳимоя қилиш” деб ҳисобласа, ҳуқуқ фаоллари буни инсон ҳуқуқларига зид деб баҳоламоқда.
Amnesty International ташкилоти Сингапурни ўлим жазосини бекор қилишга чақирди. Уларнинг таъкидлашича, Прантаман наркокурьер бўлган ва у модда миқдори ҳақида тўлиқ маълумотга эга бўлмаган.
Маълумот учун, жорий йилда Сингапурда наркотик жиноятлари учун камида 12 нафар инсон қатл этилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
