Мьянмада ақлбовар қилмас жиноят фош этилди — эркак тўққиз кун давомида ер остида туннел қазиб, заргарлик дўконидан катта миқдорда олтин буюмларни ўғирлаб чиққан. Бу ҳақда Shin Chew Daily нашрига таяниб Focus.ua хабар берди.
Маълумотларга кўра, жиноятчи кундузи автоювиш шохобчасида ишлаган, кечалари эса туннел қазиш билан шуғулланган. Унинг режаси мукаммал тарзда ўйланган бўлиб, у ер ости коммуникацияларини ўрганиб, дўконга олиб борувчи хавфсиз йўлни аниқлаган.
Полиция маълум қилишича, у ерни қазиш учун оддий қурилиш асбобларидан фойдаланган ва ҳар кеча бир неча метрлик масофани босиб ўтган. Тўққизинчи кечага келиб, у заргарлик дўкони подвалига етиб борган ва дўкон ичига киришга муваффақ бўлган.
Натижада у тахминан тўрт килограмм тилла ва қимматбаҳо тақинчоқларни қўлга киритган. Тергов маълумотларига кўра, ўғирланган буюмларнинг умумий қиймати юзлаб миллион гривнага баҳоланмоқда.
Жиноятчи кейинчалик ўғирланган тилланинг бир қисмини — тахминан 551 грамм атрофидагисини — сотиб юборган. Бироқ полиция тезкор фаолият олиб бориб, у битимдан уч кун ўтиб қўлга олинган.
Сўроқ пайтида у “тоннел қазиш — дўконга киришнинг хавфсиз ва аниқ усули эди” деб айтган. Терговчиларнинг сўзларига кўра, эркак ўз режасини бир неча ҳафта давомида пухта ўйлаб чиққан ва ҳеч ким шубҳа қилмаслиги учун кундузи оддий ишчи сифатида ишлаган.
Ҳозирда у ҳибсга олинган, иш бўйича тергов ҳаракатлари давом этмоқда. Полиция бу ҳолатни “ноодатий ва режалаштирилган касбий ўғирлик” сифатида баҳоламоқда.
Мутахассислар таъкидламоқда — бу воқеа технологиялар ва видеокузатувлар даврида ҳам инсон фантазияси ва жиноий айёрликнинг чек-чегараси йўқлигини кўрсатди.
“Zamin”ни Telegram'да ўқинг!
