Исландияда илк бор чивин топилгани олимларни ҳайратга солди. CNN ёзганидек, бу мамлакат тарихида биринчи марта чивинлар расман қайд этилди.
Маълумотларга кўра, 16 октябрь куни табиатшунос Бёрн Хялтасон пойтахт Рейкьявикдан 20 мил шимолда жойлашган Кжос шаҳрида учта чивинни аниқлаган. Кейин у Исландия Табиатшунослик институти олимларидан бири — энтомолог Матиас Алфредссон билан боғланган. Улар иккиси иккита урғочи ва бир эркак чивинни тутишга муваффақ бўлишган.
Мутахассислар таъкидлашича, бу Исландияда табиий муҳитда пайдо бўлган илк чивинлар ҳисобланади. Олимларнинг фикрича, бу тур совуқ иқлимга мослашган бўлиб, катта чивинлар ёпиқ биноларда қишлаб чиқиши ва ҳатто узоқ, қаттиқ совуқни ҳам енгиб ўтиши мумкин.
Алфредссон маълум қилишича, бундан олдин мамлакатда фақат Кефлавик халқаро аэропортида самолёт орқали келган битта бошқа турдаги чивин топилган. Бироқ бу галгиси Исландиянинг табиий муҳитида мустақил равишда яшай бошлаган илк ҳолат ҳисобланади.
Олимлар чивинлар мамлакатга қандай келиб қолганини аниқ билмайди. Аммо уларнинг фикрича, насима ёки денгиз орқали келган юк кемалари ва контейнерлар орқали кириб келган бўлиши мумкин.
Матиас Алфредссон иқлим ўзгариши бу жараёнга таъсир қилган бўлиши эҳтимолини ҳам рад этмади. Унинг айтишича, ҳароратнинг кўтарилиши келгусида Исландияда бошқа чивин турлари ҳам кўпайишига замин яратиши мумкин.
Мутахассислар бу ҳолатни мамлакат экотизими учун янги ва жиддий илмий кузатув нуқтаси сифатида баҳоламоқда.
“Zamin”ни Telegram'да ўқинг!
