36 ёшли FIDE менежери Сергей Индейкин чивин чақишидан вафот этди

Халқаро шахмат федерацияси — FIDE операцион менежери Сергей Индейкин 36 ёшида вафот этди. Дастлабки маълумотларга кўра, у Нигериядаги хизмат сафари вақтида безгак юқтирган чивин чақиши оқибатида ҳаётдан кўз юмган.

Индейкин 2021 йилдан буён FIDE тизимида ишлаб келган. У дунёнинг энг нуфузли шахмат мусобақаларини ташкил этишда фаол қатнашган.

Унинг фаолияти давомида:

жаҳон чемпионатлари;

Жаҳон кубоги;

номзодлар турнирлари;

рапид ва блитс бўйича жаҳон чемпионатлари каби йирик мусобақаларни ташкил этиш ишларида иштирок этган.

Мусобақаларни ташкил қилиш билан боғлиқ вазифалари сабаб Сергей Индейкин тез-тез хорижий хизмат сафарларига чиққан. Нигерияга навбатдаги сафари эса унинг ҳаётидаги сўнгги сафар бўлиб қолди.

Дастлабки маълумотларга кўра, унинг ўлимига безгак сабаб бўлган.