АҚШда адолатсизлик қурбони бўлган 64 ёшли Субраманьям Ведам номли эркакнинг тақдири яна жамоатчилик эътиборини қозонди. У 43 йил давомида ноҳақ равишда қамоқда ўтириб, озодликка чиққанидан кўп ўтмай яна ҳибсга олинган. Бу ҳақда LADbible нашри хабар берди.
Маълумотларга кўра, Ведам 1980-йилларда ўзининг 19 ёшли собиқ хонадоши Том Кинсернинг ўлдирилишида айбланиб қамалган. Йўқолган талабанинг жасади тўққиз ойдан сўнг топилган ва Ведам асосий гумондор сифатида ҳибсга олинган. Суд уни шартсиз умрбод қамоқ жазосига ҳукм қилган.
Орадан тўрт даҳя аср ўтгач, янги далиллар унинг айбсизлигини исботлади. Шу йил бошида суд уни оқлаб, эркинликка чиқарди. Аммо эркак оиласи билан учрашишга ҳам улгурмай, АҚШ Иммиграция ва божхона хизмати (ICE) агентлари томонидан яна ҳибсга олинди.
ICE баёнотига кўра, у агентлик томонидан депортация жараёни якунлангунча ҳибсда қолади. Маълум бўлишича, Ведам асли Ҳиндистонда туғилган ва у ердан атиги тўққиз ойлик чоғида АҚШга олиб келинган. Энди уни ватанига қайтариш эҳтимоли бор.
Эркакнинг яқинлари бу ҳолатдан қаттиқ изтиробда. Улар Ведам билан озодликда қучоқлашишга ҳам улгурмаганини айтишди.
Ҳуқуқшунослар эса бу воқеани АҚШ ҳуқуқ тизимидаги энг ачинарли хато ва “эркинликнинг қайта тортиб олиниши” сифатида баҳоламоқда.
“Zamin”ни Telegram'да ўқинг!
