Ҳиндистоннинг Раджастхан штатида жуда даҳшатли фожиа рўй берди — йўловчи автобуса ёнғинга йўлиқиб, камида 20 киши ҳалок бўлди, деб хабар берди маҳаллий ОАВ.
Ҳодиса Жайсалмер–Жодхпур йўлида, Тайят қишлоғи яқинида содир бўлган. Автобусда 50 га яқин йўловчи бўлган. Йўлга чиққанидан кўп ўтмай, транспорт воситасининг орқа қисмида тутун кўтарилган ва бир неча дақиқа ичида бутун салонни олов қамраб олган.
Гувоҳлар сўзларига кўра, ёнғин шиддат билан тарқалгани сабабли йўловчилар чиқишга улгурмаган. Айниқса, автобуснинг орқа қисмида ўтирганлар чиқиш эшикларига етиб бормаган. Терговчиларнинг дастлабки хулосасига кўра, ёнғинга кондиционер тизимидаги қисқа туташув сабаб бўлган.
Ҳукумат ҳалок бўлганларнинг шахсини аниқлаш учун ДНК таҳлилларини бошлади. Раджастхан бош вазири Шугат Сингх марҳумлар яқинларига таъзия билдирди ҳамда барча йўловчи автобуслар хавфсизлигини қайта текшириш бўйича махсус комиссия тузишни буюрди.
Маҳаллий матбуот ёзишича, бу ҳодиса мамлакатдаги энг оғир транспорт ёнғинларидан бири сифатида қайд этилмоқда.
“Zamin”ни Telegram'да ўқинг!
