Қозоғистон пойтахти Остона шаҳрида фожеа арафасида турган ёш қиз қутқарувчилар томонидан амалда ҳаётга қайтарилди, деб хабар берди маҳаллий ФВБ.
Маълумотларга кўра, ҳодиса Иманбаева кўчасидаги кўп қаватли уйда содир бўлган. Ёш қиз 15-қаватдаги уйдан ўзини ташламоқчи бўлганида, “112” хизматига хабар келиб тушган.
Қутқарувчилар зудлик билан воқеа жойига етиб бориб, қўшни хонадон орқали юқори қаватга чиққан ва қиз билан мулоқот ўрнатган. Психологик суҳбат давомида ходимлар вазиятни назоратга олиб, қизни хавфсизлик томонга тортиб олишга муваффақ бўлишган.
Расмий маълумотларга кўра, қизнинг ҳаёти хавфсиз, у ҳозирда шифокорлар ва психологлар назоратида.
Ҳозирда ҳодисанинг сабаблари ўрганилмоқда. Мутахассислар ёшлар ўртасида руҳий соғломлик ва эҳтиёжларга эътибор кучайтирилиши кераклигини таъкидламоқда.
“Zamin”ни Telegram'да ўқинг!
