Испанияда илмий гуруҳ инсон буйраги ҳужайраларидан яратилган органоидларни чўчқа организмига муваффақиятли кўчирди, деб хабар берди El País. Тажриба давомида имплантация қилинган тўқималар ҳайвон танасига мослашиб, рад этиш белгилари кузатилмади.
Каталония Биоинженерия институти мутахассислари мазкур натижани тиббиёт соҳасида янги босқич деб баҳоламоқда. Улар инсон органларининг миниатюр намунасини — органоидларни — яратиш ва уларни ҳайвон тана тўқимасига жойлаш усулини такомиллаштирган.
Олимлар тажриба жараёнида чўчқа организмида инсон буйрагига ўхшаш муҳит яратишга муваффақ бўлди. Натижада органоидлар организм билан мослашди, ҳайвон соғлигига салбий таъсир қайд этилмади.
Муттахассислар бу ютуқ келажакда трансплантология ва регенератив тиббиётда инсон учун янги имкониятлар эшигини очиши мумкинлигини таъкидламоқда.
“Zamin”ни Telegram'да ўқинг!
