Британиянинг машҳур “Collins” луғати 2025 йилнинг энг муҳим сўзини аниқлади — бу йил “vibe coding” атамаси йил сўзи деб эълон қилинди, деб хабар берди луғатнинг расмий сайти.
Изоҳга кўра, “vibe coding” — инсоннинг вазифани оддий тилда айтган ҳолда, сунъий интеллект ёрдамида код ёзиш жараёнини англатади. Яъни, дастурчи кодни ўзи ёзмайди, балки AI’га қандай натижа кераклигини тушунтиради, сунъий интеллект эса тайёр кодни шакллантиради.
Мутахассислар бу атамани “технология билан мулоқот қилишнинг янги босқичи” деб аташмоқда. У нафақат Кремний водийсида, балки Европадан то Осиёгача бўлган IT жамоаларда кенг қўлланила бошлаган.
“Collins” таҳририятининг фикрича, “vibe coding” атамаси сунъий интеллектнинг кундалик ҳаётга чуқур кириб келаётганини ва одамлар ишлаш усулидаги маданий бурилишни акс эттиради.
Шунингдек, луғат мутахассислари “Лабубу” ва “слоняра” каби атамаларни ҳам 2025 йилнинг энг кўп ишлатилган 40 та сўзи қаторига киритганини маълум қилган.
Янги сўзнинг оммалашуви инсон ва технология ўртасидаги чегара тобора суюллашаётганини яна бир бор кўрсатмоқда.
“Zamin”ни Telegram'да ўқинг!
