Исроилда тиббиёт амалиёти янги босқичга кўтарилди — Петаҳ-Тиквадаги Рабин тиббиёт маркази шифокорлари илк бор ҳомиладор аёлга қоринни очмасдан мураккаб операция ўтказишга муваффақ бўлди. Мутаҳассислар 23 ёшли Тсофия Леибович ҳаётини сақлаб қолиш учун роботлаштирилган лапароскопик усулдан фойдаланди.
Аёл 32-ҳафталик ҳомиладорликда шошилинч ҳолат билан касалхонага ётқизилган. Одатда бундай вазиятда очиқ жарроҳлик амалга оширилиши мумкин эди, аммо шифокорлар эрта туғруқ хавфини kamaytirish мақсадида замонавий, кам қон йўқотадиган усулни танлади. Робот ёрдамида бажарилган тешикча орқали операция жараёни хавфни минимал даражага туширди.
Амалиёт муваффақиятли ўтди — Тсофия ҳомиладорликни давом эттирди ва бир неча ҳафтадан сўнг соғлом қизалоқ дунёга келди.
Мутахассислар таъкидлашича, ҳомиладорликнинг кеч палласида бундай технология илк марта қўлланди ва келгусида минглаб аёллар ҳаётини сақлаб қолиш имконини бериши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
