Қозоғистоннинг Манғистау вилоятида мактаб ўқувчиларига тулкилар ҳужум қилгани аҳолини ташвишга солди. “Nur.kz” ёзишича, ҳодиса 21 ноябрь куни содир бўлган ва икки бола жароҳат олган.
Маълумотларга кўра, корсак тулкиси қишлоқ мактабининг икки ўқувчисига ташланган. Болалар ота-оналари билан Бейнеу тумани шифохонасига борган. Текширув давомида 2011 йилда туғилган боланинг ўнг, 2018 йилда туғилган боланинг чап оёғида тирналиш аниқланган. Иккаласига ҳам жарроҳлик ёрдами кўрсатилиб, зарур эмлашлар қилинган. Ҳозир ҳолатлари қониқарли.
Эколог Одилбек Қўзибақовнинг айтишича, бундай ҳолатларда тезкор тиббий мурожаат жуда муҳим. Чунки ёввойи ҳайвонлар қутуриш вирусини ташиши мумкин. Шу боис, фуқаролар бегона ҳайвонларга яқинлашмаслиги ва хатар сезса дарҳол мутасаддиларга мурожаат қилиши шарт.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
