Италиянинг энг машҳур ва ҳашаматли кийим-кечак бренди Prada ўзининг узоқ йиллик истаклари ва стратегик режаларини амалга ошириб, Versace брендини 1,5 миллиард доллар эвазига сотиб олди. Бу ҳақда CNN хабар берди.
Prada ва Versace ўртасидаги савдонинг расмий шартномаси 2025 йилнинг апрель ойида имзоланди. Компания Capri Holdingsдан Versaceни 1,3 миллиард евро (1,51 миллиард доллар) га сотиб олди. Шунингдек, бу савдо жараёни Capriнинг Tapestry компаниясига сотилиши билан боғлиқ антимонополия органларининг қаршилиги сабабли кечикканидан кейин амалга ошган.
Prada гуруҳининг эгалари Миучча Прада ва Патритсио Бертеллининг ўғли Лоренсо Бертелли ноябрь ойида Reuters’га берган интервьюсида, интеграция жараёни тугаллангач, шахсан Versaceнинг ижрочи раиси лавозимини қабул қилишини маълум қилган. Унинг сўзларига кўра, Prada бу келишувга бир неча йиллардан бери интилаётганди.
Лоренсо Бертелли сўзларига кўра, "COVID даврида ҳам биз Capri билан алоқада бўлганмиз. Тапестри’га сотилишдан олдин ҳам музокаралар олиб борилган. Ушбу келишув антимонополия сабабли бекор бўлганидан сўнг, биз ҳар бир ҳаракатни тезлаштиришга қарор қилдик. Бу, албатта, узоқ вақтдан бери кутилаётган муҳим қадам эди."
Versace бренди 1978 йилда Жанни Версачи томонидан Миланда ташкил этилган бўлиб, ўзининг замонавий ва жозибали эстетикаси билан бутун дунёга машҳур бўлган. Ҳозирда бу бренд Prada гуруҳи таркибига қўшилиши билан глобал моданинг янги босқичига ўтади. Prada гуруҳи таркибида шундан ташқари тез ўсиб бораётган Miu Miu бренди ҳам мавжуд.
Ҳамма учун муҳим ахборотлардан бири, март ойида, Донателла Версачи Versaceнинг ижодий директорлик лавозимини якунлашини эълон қилди. Унинг ўрнини, Miu Miu’нинг дизайн директори бўлган Дарио Витале эгаллади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
