Қозоғистон яқин йилларда логистика соҳасида катта инновацияга қадам ташламоқда. 2027 йилдан бошлаб мамлакат Евроосиё иқтисодий иттифоқи ҳудудида ҳайдовчисиз юк машиналарини тажриба тариқасида ҳаракатга чиқаради. Бу ҳақда транспорт вазири Нурлан Сауранбаев маълум қилди.
Лойиҳани амалга ошириш учун Қозоғистонда махсус инфратузилма барпо этилади: автомобиль йўлларига автоном транспортка зарур бўлган тўлиқ сенсор тизимлари ўрнатилади. Ҳозирда ташаббус қўшни давлатлар ва ЕОИИ ҳамкорлари билан муҳокама қилинмоқда.
Сауранбаевнинг айтишича, ҳайдовчисиз юк машиналари чегара пунктларидаги навбатларни ҳам камайтириши мумкин. Чунки жараён паспорт назорати билан интеграция қилинган ҳолда анча тез амалга ошади.
Вазирга кўра, бундай транспорт воситалари Қозоғистоннинг транзит имкониятларини оширишда муҳим омил бўлади. Чунки юк ташишдаги харажатларнинг катта қисми ҳайдовчи маоши ва дам олиш нормалари билан боғлиқ. Автопилотли машиналар эса сутканинг 24 соати ҳам ҳаракатлана олади.
Мутахассислар фикрича, бу эксперимент минтақада транспорт оқимини сезиларли даражада оптималлаштириши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
