Олмаотада поездда 52 киши заҳарланди: ким айбдор?

Қозоғистонда Олмаота-2 станциясида поездда 52 киши номаълум газдан заҳарланди. Ёрдам кўрсатиш учун 13 та тез тиббий ёрдам гуруҳи сафарбар қилинган.

Хабарларга кўра, ҳодиса табиий газдан заҳарланиш оқибатида юзага келган. Аммо Қозоғистон темир йўли оператори буни рад этиб, заҳарли углерод оксиди эканини таъкидлади.

Шунингдек, ҚТЖ ҳодисага алоқаси йўқлигини айтди. Поезд хусусий ташувчига тегишли бўлиб, вагонлар киностудияга суратга олиш учун берилган.

Заҳарланиш оқибатида 10 бола касалхонага ётқизилди. Тергов ишлари олиб борилмоқда.